«Агашки по вызову» фильмінің көрермендері үшін жағымды жаңалық. Күні кеше мыңдаған қазақстандықтың жүрегін жаулап, ыстық ықыласына бөленген туындының түсірілім тобы жұмысын бастады. Комедия жанрындағы отбасылық кинода алғашқы фильмдегі негізгі оқиғаларға дейінгі мерзім баяндалмақ. Біздің әріптестер де түсірілім алаңына барып, туынды авторларымен сұхбаттасып қайтты.
Міне, дәстүрге сай дәл осылай «Агашки по вызову. 1+1. Начало» фильмінің түсірілімі басталды. Бұл «Tiger films» компаниясының комедия жанрындағы кезекті кинотуындысы. Онда негізгі фильмнің бірінші бөлімінен соң көрерменнің ыстық ықыласына бөленіп үлгерген басты кейіпкерлердің қалыптасу кезеңі көрсетілмек. Әсіресе, Олжас Әлжанов сомдаған Фернандоның өміріне тереңірек үңілуге мүмкіндік мол. Әрі әртістің өзі де кейіпкерінің жан сырын ашуға тас-түйін дайын отыр.
ОЛЖАС ӘЛЖАНОВ, актер:
- Мен үшін бұл образ, кейіпкер қатты бір жақын деп айта алмаймын, шыны керек. Бірақ қыздардың арасында жаңағы әйел қауымының арасында қызығушылық танытқандықтан мен үшін керемет бір, жақсы бір образдардың бірі деп ойлаймын.
Авторлар «Агашки по вызову» отбасылық фильм болғандықтан шектен шыққан анайы, дөрекі сахналар болмайды деді. Айтуларынша, туындының сценарийі жазылып жатқанда-ақ қоғамға жат дүниелерді айналып өтуге тырысқан.
АЛЕН НИЯЗБЕКОВ, режиссер:
- Фильм-приквел. Сондықтан мұнда алғашқы бөлімдегі оқиғаларға дейінгі кезең баяндалады. Яғни, басты кейіпкердің неліктен мұндай жолға түскені туралы көрсетпекпіз. Өте қызық болады деп ойлаймын. Өткір әзіл де, қалжың да көп. Желісі де әдемі.
Жас режиссер жаңа жұмысында елге белгілі актерлардың басын қосып отыр. Басты кейіпкерлерді Жан Байжанбаев пен Олжас Әлжанов сомдайды. Ал эпизодтық рөлдерге түскен отандық жұлдыздар жетерлік екен.
.
.
.
.
Бізді әлеуметтік желіде оқыңыздар:
KZread - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар