АДАЛ ДОСТЫҚ
-----
Сөзі: Нәбижан Орман ұлынікі
Әні: Жақсылық Оралбек ұлынікі
Орындағандар: Есбол Мұратжан ұлы, Амангүл Ғабиден қызы
Дайындаған: Құдысұлы Кенжебек
ادال دوستىق
-----
ءسوزى: ءنابيجان ورمان ۇلىنىكى
ءانى: جاقسىلىق ورالبەك ۇلىنىكى
ورىنداعاندار: ەسبول مۇراتجان ۇلى، امانگۇل عابيدەن قىزى
دايىنداعان: قۇدىسۇلى كەنجەبەك
«دوستىق دەگەنىمىز نە؟ » - دەگەن سۇراققا ادامدار ءار ءتۇرلى جاۋاپ بەرەدى. دوستىق تۋرالى كوپتەگەن ماقال، اڭگىمە، ناقىل سوزدەر، ەرتەگىلەر بار.
دوستىق دەگەنىمىز - بۇل وتە تەرەڭ، كۇردەلى، كوپ ماعىنالى ۇعىمداردىڭ ءبىرى. بالاباقشاعا بارعاننان بەرى دوستارىمىز دا پايدا بولدى. ءبىر بالالار بولسا مەكتەپكە كەلىپ دوس تاپتى. كىشكەنتاي كەزىمىزدە دوسىمىزبەن بىرگە قۋانىپ، رەنجىسىپ قالعان كەزدەردى ەسىمىزگە تۇسىرەيىكشى. ءبىز بۇل ويلاردى جىلىلىقپەن ەسكە الامىز.
ءسىز دە كىشكەنتاي كەزىڭىزدەگى سىرلارىڭىزدى، قۇپيالارىڭىزدى ەسكە ءتۇسىرىڭىزشى. ارينە بۇنى ءسىز ەڭ ءبىرىنشى بولىپ دوسىڭىزعا ايتتىڭىز. بىرەۋلەرىمىز ومىرىمىزدە ءبىر عانا اداممەن دوستاستىق، بىرەۋىمىزدىڭ 2-3 دوسى بار. قانداي جاعدايدا بولماسىن دوس ەڭ ءبىرىنشى بولىپ كومەككە كەلەدى، وزىندە بار نارسەنى ايامايدى، قول ۇشىن سوزادى. دوستار اراسىندا قۇپيالار، ءبىر- بىرىنە سەنبەۋ سياقتى نارسەلەر بولمايدى. ومىرىمىزدە ءبىز شىنايى دوستىققا كۇا بولامىز. كەيبىر دوستار ءومىرىنىڭ اياعىنا دەيىن دوستاسىپ كەتەدى. ەكىنشىلەرى بولسا تاعدىردىڭ اسەرىنەن ايىرىلىسىپ كەتەدى. ءبىراق ءبىر- بىرىمەن ۇنەمى حابارلاسىپ تۇرادى.
باسىڭىزعا قيىندىق تۋعاندا ەڭ الدىمەن دوسىڭىزعا ايتاسىز. ول ادامنان كەڭەس، كومەك سۇرايسىز. سىرلارىڭىزدى ەڭ الدىمەن دوسىڭىزعا ايتاسىز. وتباسىدا، مەكتەپتە ءبىر جاعدايعا تاپ بولعاندا دوسىڭىزدىڭ كومەگى وتە قاجەت بولادى. مەيلى ول سىزگە ۇلكەن كومەگىن بەرە الماسا دا، جىلى سوزبەن ءسىزدىڭ كوڭىلىڭىزدى جۇباتادى، جاقسى سوزدەردى ايتىپ كوڭىلىڭىزدى كوتەرەدى. سوڭىندا ءسىز بولعان وقيعانى ۇمىتىپ، جۇرەگىڭىزدەءبىر قۋانىش، تىنىشتىق سەزىمى پايدا بولادى.
قازىرگى زاماندا بۇكىل الەم قاتىگەزدىككە تولدى. كۇندەلىكتى ومىردە، تەلەديداردا، تەلەفوندا ءبىز كوپتەگەن جاعدايلار تۋرالى حاباردار بولامىز. ادام وزگەرگەنىن نەمەسە زاماننىڭ وزگەرگەنىن كەيدە تۇسىنبەي قالامىز. كەشە دوس دەپ ساناعان ادامىمىز «دۇشپان» بولىپ، «دۇشپاندارىمىز» ادال دوس بولىپ كەتۋى دە مۇمكىن. ءبىراق بۇل ومىردە ادال دوستىقتىڭ شىراعىن وشىرمەۋ ءۇشىن بار كۇشىمىزدى سالۋىمىز كەرەك دەپ ويلايمىن.
- 阿吾勒文化传媒, 2024-01-16 22:07