Біздің қазақтың бабалары мен жастары данышпан ғой, шіркін! Мына өлең жолдарын шығарған авторға мың алғыс, Алла сыйласын. Мақтанышпен оқып отырмын. Қызылқоғаның азаматтары мен жастарын мақтан тұтамыз. Алла амандығын берсін. Бірлігі жарасқан ел болайық.

Ауылға хат Қалың қалай, бауырым ! Ағын судан аман ба екен, ауылым? Бейбіт күнде бұлт үйірген басына, Бұл қазақтың бітпейтұғын жауы кім? Сергелдеңге салып кеткен жұртымды, Биыл көктем білесің бе, біртүрлі. Сәуір болмай, тәуір болмас дейді ғой, Сәуір айы бұза көрме, шырқымды. Қызылқоғам !!! қандай әсем, қырларың, Бұл да сенің басыңдағы бір бағың. Баурайымда тау жоқ деме, бірақта, Бар емеспе таудай биік ұлдарың. Жан алысып, жан берісіп жотаңда, Қарсы тұрған тасқын суға, топанға. Айналайын алақандай аулымның, Адамдары адал екен Отанға! Елдің жайы өртеп өзек, жыртып іш, Мазалайды санамды бір сілкініс. Ауыл жақта абыр-сабыр дейді жұрт, Алматыда ал, бауырым… күн тыныш… Бейсенбі Абылайхан Қалыбекұлы Алматы қаласы.