АЯЛЫ АНА.
Сөзі:Ерлан Ахметов. Әні: Арыстанбек Какиев.
Аяулы анам, асылым, айдай анам.
Әлдилейтін сендей жан, қайда маған?
Адал едің, асқақ ең жарыңа да,
Ару анам, ақжарқын, қайран анам.
Немереден шаттығын аямаған,
Шапағаты - шалқар көл, аялы анам.
Жабығып жүр, аңсаған шөбереңде,
Бәйтеректей саяңды -саялаған.
Қайырмасы:
Анажаным, ардақтым,
Алтыннан да салмақтым.
Сағыныштан өзіңе,
Ән - құсымды самғаттым.
Тербетілген өмірдің кемесінде,
Төздің талай тағдырдың егесіне.
Берекеңмен, анажан, еңбегіңмен,
Есіміңді қалдырдың, ел есінде.
Қайырмасы:
Анажаным,ардақтым,
Алтыннан да салмақтым.
Сағыныштан өзіңе,
Ән - құсымды самғаттым