A HMUN MI DAWTNAK
(Phuah - Gideon Bawi)
Sak- Mai Lal Pek Tluang & Mai Malsawm Thar
Pathian ih duhdawtnak cu
A thuk in a sang tuk e
Sersiam min an phuang cawk lo e
Hring mi Fimnak in a ban lo e
Sunlawinak van inn tan in
Harsatnak Lei ah an hnawng si
Duhdawtnak ruangah a tuar maw
Van Bawi Fahniang thing Cross par ah
Aw a sunglawi cui duhdawtnak cu
Misual kei hi a fa ah in tuah
Ka sualnak hmuah thisen ih khawlh in
Ka phu lo zangfahnak i pe (co ter)
Aw a mak e cui duhdawtnak cu
Thleidannak zianghman um lo
Misual hmuah hrang dawtnak a si
Kumkhua ih a hmun mi dawtnak
Sim thiam teh an um hmen maw
Van Bawi Fahniang a tuar zia khi
Pa in a hawihsan, thim a tlung
Keimai camsiatnak cu a tuar
Thisen ih tlen mi kan si
Fimnak, cahnak ziang kan nei lo
Kan Bawipai thihnak Cross lo cu
Ziang dang suan ding a um lo e