ЖАҒАДАН ҚҰМ ТОЛТЫРЫЛҒАН ҚАПШЫҚТАР ҰРЛАНЫП ЖАТЫР
Жайық жағасындағы құм толтырылған қапшықтар ұрланып жатыр. Сырт жақта болса бірсәрі, қаланың қақ ортасынан. Мына видео авторының сөзінше топырақ салынған қаптар облыс орталығындағы Президент резиденциясының тұсындағы Жайық жағалауынан жоғала бастапты. Осы жерде дамыл таппай күні-түні еңбек еткен еріктілер ұрының алыстан келмегеніне сенімді. Жақын маңдағы үйлердің тұрғындары болуы мүмкін. Сол себепті олар қалған қаптарды пысықайлар түн жамылып тасып әкетпесі үшін күзет қоюды сұрап полицияға хабарласқан көрінеді. Тәртіп сақшылары мұндай жайттың болғанын растап отыр, бірақ ешкім арыз-шағым қалдырмапты. Дегенмен бейнебақылау камераларының көмегімен жағалауды жіті бақылаймыз, бейсауат жүргендермен сөйлесеміз деп отыр.
ТОЛЫҒЫРАҚ БЕЙНЕМАТЕРИАЛДА