ҰЛЫ ЖЕҢІС-ЖАҢҒЫРЫҒЫ
🔰9 мамыр күні Бөгетсай ауылдық мәдениет үйі және кітапхананың ұйымдастыруымен Жеңіс күніне «Ұлы Жеңіс-жаңғырығы» атты мерекелік концерті өткізілді.
🔹Салтанатты шара ауыл әкімі, мекеме қызметкерлері ескерткіш алаңына гүл шоқтарын қойып, батырлардың рухына тағзым етуден бастады.
🔸Бөгетсай ауылдық округінің әкімі Еркебұлан Кауанов ауыл тұрғындарын Жеңіс күнімен құттықтап, бұл мейрамның қадыр-қасиетін келешек ұрпаққа аманат ету-біздің парызымыз-деді.
🔹Концертті Айкерім Жолаушыбай жүргізіп, ауыл өнерпаздары Ануарбек Зинеғалиұлы «Қазақ қызы, Жеткерген Токин «Соғыстан қайтқан солдаттар», Гүлнұр Рақымжанова «Бейбітшілік сақталады», Нұрзила Аманкелді «Отан», Амангүл Елеусізова «Атамекен» әндерін орындаса, Айжамал Бөленова, Күнсұлу Алтынбай, Әсемгүл Сүйналина, Жанерке Аршанова, Шолпан Дүзбай, Еркежан Көпжасар Жеңіс күнін жырға қосқан ақындардың өлеңдерін мәнерлеп оқыды.
📚Шара соңы ауылдық кітапханада «Ешкім де, ештеңе де ұмытылмайды» атты кітап көрмесімен жалғасты.
⚜️Сондай-ақ, мереке күні ауыл әкімі тылда еңбек еткендерге арнайы құттықтап барып, сыйлықтарын табыс етті. Өз кезегінде ардагерлер ауыл әкіміне көрсеткен құрметі үшін ризашылықтарын білдіріп, бейбіт өмір, болашақтың жарқын болуларын тілеп, ақ баталарын берді.