БІЗДІҢ KZread АРНАҒА ТІРКЕЛІҢІЗ: www.youtube.com/@informburo31...
---------------------------------------------
«Ұлттық қор - балаларға» жобасы аясында алғашқы нысаналы жинақтар аударылды. Яғни, қазір 6 919 131 баланың шоты 100 доллар 52 центке толығып отыр. Әрі, бұл сома жыл сайын Ұлттық қор активтерінің өсуі мен инвестициялық кіріс алу есебінен ұлғайып отырады. Мәселен, биыл Ұлттық қордың инвестициялық табысының 50 пайызы 695 миллион долларды құраған. Айта кетейік, 2024 жылы 304 815 жасөспірім 18 жасқа толғалы отыр. Демек, олар түскен қаржысын оқу ақысын төлеуге, не тұрғын үй жағдайын жақсартуға пайдалана алады.
Ата-аналар кәмелет жасына толуға таяп қалған балаларға тым аз ақша түсетін болды деді. Бірақ, оның өзі де көмек деген пікірде. Ал, қаржы вице-министрі Дәурен Темірбеков жобаның игілігін бағдарламаға 18 жыл қатысқан балалар сезінетінін айтты.
ДӘУРЕН ТЕМІРБЕКОВ, ҚР Қаржы вице-министрі:
- Халық саны 400 мыңға өсетіні белгілі еді. Біз келесі жылы да өсім болады деп үміттенеміз. Сондықтан, инвестициялық кірісті арттыруды көздеп отырмыз. Сол арқылы болжалған сомаға яғни, жиынтық ақшаны 3,5 мың долларға жеткізуге күш саламыз.
Ал, өткен жылдың 31 желтоқсанына дейін баласы қандай да бір себептермен тізімге енбей қалып, шотына ақша түспеген болса, алаңдаудың қажеті жоқ деді мамандар. Себебі, нысаналы жинақ келесі жылы аударылады. Яғни, 2025 жылы есептелуі тиіс қаражатқа 100 доллар 52 цент қосылады. Демек, ата-ана тұрғылықты мекенжайы бойынша халыққа қызмет көрсету орталығына барып, баласының жеке сәйкестендіру нөмірін тізімге енгізуі қажет. Әрі, ата-аналар ақпараттың дұрыстығын kids.enpf.kz сайтында тексергені абзал. Болмаса, бірыңғай жинақтаушы зейнетақы қорының ұялы қосымшасынан көруге де болады. Ал, 18 жасқа толған қыз-жігіттер түскен ақшаны бірден қолдануға құқылы. Ол үшін кәмелет жасына толған жеткіншек уәкілетті операторларға яғни, «Отбасы банкке» не «Қазпоштаға» жүгінуі керек. Сәйкесінше, алдымен ағымдағы шот аштырып, платформаға тіркеледі. Сөйтіп, мақсаттар батырмасын басу арқылы ұсынылған екі нұсқаның бірін таңдайды. Ол тұрғын үй жағдайын жақсарту және оқу ақысын өтеу. Мысалы, алғашқысын таңдаған адамға ипетокасын толық я ішінара төлеу, үй алуға ақша жинау, қайта қаржыландыру немесе жер алу секілді қызметтер ұсынылады. Бала ниетін растағаннан кейін қаржы қолжетімді болмақ.
---------------------------------------------
Теңдессіз жобамызға көз салыңыз: • Сөздің шыны керек: [жу...
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #БастыЖаңалықтар #АқиқатынАйтайық