Төлеби ауданы, Қасқасу ауылдық округіне қарасты Керегетас елді мекеніне ауыз су құбырының құрылысын мердігер «Ақмешіт Мелиоратор» ЖШС жүргізген. Нысанның құны 274,357 млн.теңгені құраған. Құрылыс 2021 жылы басталып, 2023 жылдың 28 қыркүйегінде қабылданып, сол жылдың 29 қыркүйегінде «Ленгер су» МКК-ның теңгеріміне өткізілген. Мердігер «Ақмешіт Мелиоратор» ЖШС тарапынан нысан бойынша орын алатын ақауларды ретке келтіру кепілдемесі 5 жылды құрайды. 2023 жылдың қазан айымен желтоқсан айларында ауа райының қолайсыздығына байланысты, аталмыш елді мекен тұрғындарының келісімімен, орталық ауыз су құбырынан үй іргелікке (абоненттікке) кіргізу жұмыстары келесі жылдың көктем айына кейінге қалдырылған болатын. Қазіргі таңға мердігер «Ақмешіт Мелиоратор» ЖШС тарапынан орталық көше құбырларына су толтыру, ауа шығару сынды тиісті жұмыстар атқарылып, елді мекен ішіндегі жоғары нүктеде орналасқан көшелерге су шығару жұмыстары жүргізілуде. Ағымдағы жұмыстар ай соңына дейін аяқталып, елді мекен тұрғындары үздіксіз, сапалы ауыз сумен қамтылады деп күтілуде.