Шоманай районында «Дүнья нурға толсын сениң менен, Наўрыз!» атлы байрам салтанаты болып өтти
⚡️Елимизге бәҳәр келди.
Бул мәўсимде халқымыз ҳәр жылы тыныш, татыў, саў-саламат ҳәм салмақлы табыслары, жақсы тилеклери менен Наўрыз байрамына қәдем тасламақта.
Быйылғы Наўрыз Мамый АПЖ аймағындағы майданшада басланды.
Аймақ халқы Наўрыз тамашаларын баслап, миллий тағамлар көргизбеси, ата-бабаларымыздан мийрас болып киятырған дәстүрлеримизди сәўлелендириўши көргизбелер шөлкемлестирди.
Халқымыз әзелден той ҳәм қуўанышларды айрықша таярлық пенен қарсы алады. Солай екен, район турғынлары быйылғы Наўрызды айрықша таярлықлар менен күтип алмақта.
Байрам салтанатында шығып сөйлеўшилер, жыйналғанларды улыстың уллы күни Наўрыз байрамы менен қутлықлап, елимизге тынышлық, аўызбиршилик, дәрьямызға мол суў тиледи.
Буннан соң, районлық мәденият бөлиминиң театрластырылған концерт бағдарламалары, йошлы қосықлары атқарылып жыйналғанларға үлкен заўық бағышлады.
➡️ t.me/shomanay_muzika_mektebi