"Соғинч" кўрсатуви. Коммуна Исмоиловани соғиниб...
"Ўзбекистон" телеканали
Исмоилова Коммуна (1927.15.12, Хива) - хонанда, Ўзбекистон халқ артисти (1964). Урганч педагогика институтининг ҳаваскорлик тўгарагида Хоразм термаларини ижро этиб танилган. 2-жаҳон уруши йиллари Гавҳар Рахимова раҳбарлигидаги хотин-қизлар концерт бригадасида иштирок этган. Хоразм мусиқали драма театрида (1946), Ўзбек ашула ва рақс ансамблида (1947), Ўзбек давлат эстрадасида (1948-51), Ўзбек давлат филармониясида (1952 - 59), Ўзбекистон телевидение ва радиоси ўзбек халқчолғулари оркестри ҳамда мақом ансамблида (1959-88) яккахон хонанда. 1985 йилдан 3. Ғаниева номидаги Ветеран аёллар ансамбли қатнашчиси. Исмоилова Наво мақомидан Чапандози Наво ва унинг Қашқарчасини, Рост мақомидан Савти Ушшоқ Қашқарча-сини, Сарахборлар тароналарини, Насри Бает тароналарини ва хоразмча Рост мақомининг Насри Ушшоқ шўъбасини («Шитоб айлаб») ва б. маком парчаларини ижро этган. Ўзбек халқ қўшиклари ва замонавий ашулалардан «Уйланма», «Ёшлик чоғимда», «Ши-фокорлар» ва бошқа бастакорлардан Ю. Ражабий, Ф. Содиқов, К. Отаниёзов, М. Мирзаев асарлари, турли халқлар (рус, украин туркман, қозоқ) қўшиқлари Исмоилова репертуаридан ўрин олган.
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz