#Opinion | Emision politik live nga #BlendiFevziu në #tvklan
Emisoni “Opinion” në Tv Klan solli në vëmendje atë që konsiderohej si “ferri i kohës së komunizmit”, bëhet fjalë për kampin famëkeq të Spaçit, ku të burgosurit kanë vuajtur tortura çnjerëzore e madje shumë prej tyre kanë humbur jetën.
Gazetari Blendi Fevziu vizitoi këtë burg të tmerrshëm e po ashtu intervistoi një ish të dënuar, i cili i ka kaluar plot 15 vite të jetës së tij në kampin e Spaçit.
Blendi Fevziu: Sa vjet ke kaluar në Spaç?
Ish i dënuari: Rreth 15 vite në Spaç.
Blendi Fevziu: 15 vite dënim? Sa u dënove?
Ish i dënuari: Unë jam dënuar 25, por 15 i kalova këtu se pjesën tjetër e kam bërë në kampe të tjera.
Blendi Fevziu: Me çfarë akuze?
Ish i dënuari: Tradhti e lartë ndaj atdheut, arratisje e plotë në Jugosllavi.
Blendi Fevziu: U arratise në Jugosllavi?
Ish i dënuari: Po.
Blendi Fevziu: Dhe të kthyen pas Jugosllavët dhe u dënove me 25 vjet?
Ish i dënuari: Po me 25 vjet.
Më tej ish i dënuari ka treguar port torturat çnjerëzore që praktikoheshin ndaj të dënuarve në burgun e Spaçit. Ai tregon se si në birucat e këtij burgu,që ishin në madhësinë një metër katrorë izoloheshin deri në 6 persona.
Ish i dënuari: Këtu kanë qenë 4 biruca. Katër dhoma izolimi.
Blendi Fevziu: Këto ishin dhomat e famshme të izolimit?!
Ish i dënuari: Po këto kanë qenë një metër me një metër e gjysmë. Rrinin 3-4 vetë.
Blendi Fevziu: 3-4 vetë në një metër me një metër e gjysmë?!
Ish i dënuari: Po ka pasur dhe 6 veta.
Blendi Fevziu: 6 veta në një metër e gjysmë katrorë? Lakuriq?
Ish i dënuari: Po me një xhaketë që ka qenë e hollë beze dhe me një këmishë beze.
Blendi Fevziu: Edhe sa ju mbanin në biruc?
Ish i dënuari: Në biruc na dënonin një muaj./tvklan.al
Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë - e hënë, e martë, e mërkurë dhe takimi tradicional i të enjtes mbrëma.
SUBSCRIBE to “RTV KLAN” on KZread for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/programe/