🆕«Қыран құстың қанаты талмас» көрмесі
📌Құсбегі, саятшы, «Салбурын» саятшылар жарысын алғаш ұйымдастырушы, өлкетанушы Есембекұлы Тілеуғабылдың 80 жылдық мерейтойына арналған Қарағанды облыстық тарихи-өлкетану музейі мен Шет аудандық музейінің бірлесе жасаған «Құсбегілік өнер-күллі қазаққа ортақ қазына» атты кездесу кеші, көрме ұйымдастырылды.
✳Іс-шараның мақсаты:
📍Шет өңіріндегі ең алғашқы салбурын жарысын ұйымдастырушы, Австрия, Германия, Франция мемлекеттерімен тығыз байланыста болып саятшылықты дамытуға зор үлес қосқан құсбегі, саятшы, өлкетанушы Тілеуғабыл Есенбекұлының еңбек жолымен таныстыру, дәріптеу.
📍Ұлттық құндылығымызды өскелең ұрпаққа насихаттау.
✅Мерекелік шараға Қарағанды облыстық тарихи-өлкетану музейінің қызметкерлері, зиялы қауым өкілдері, аудан басшылары, құсбегілер, аудан тұрғындары қатысты.
📝Тілеуғабыл Есембекұлы 1943 жылы Шет ауданында дүниеге келген. Бүркітші, құсбегі. Мамандығы бойынша құрылысшы-инженер, 1967-1991 әр түрлі қызметтер атқарып, 1991 жылы туған ауылына оралып, алғашқылардың бірі болып «Азат» шаруа қожалығын құрады. Атақты құсбегі Әбілхақ Тұрлыбаевтан құсбегілік өнердің қыр-сырын үйренеді. Шетел ақпарат құралдарында құсбегілікті насихаттауға барынша күш салып, Батыс Еуропа елдерімен құс баптау бойынша тәжірибе алмасу жұмысын жолға қояды. Экологиялық, аңшылық туризммен шұғылдану мақсатында және қоршаған ортаны сақтап қалу жолында көп еңбек сіңірген азамат.
⚜Іс-шарада Қарағанды облыстық тарихи-өлкетану музейімен бірлескен «Қыран құстың қанаты талмас» атты 6 бөлімнен тұратын көрме қонақтарға таныстырылды.
➡️Бұл көрмеде:
💠Шетел бұқаралық ақпарат құралдарынан фотогалерея
💠Құсбегінің шәкірттеріне арналған «Құсбегілік-ата-дәстүр, қазына» көрмесі
💠"Өмір жолы-өнеге" көрмесі
💠 «Жартастағы қыран құс» көрмесі
💠«Қыран құстың қанаты талмас» облыстық тарихи-өлкетану музейінің жылжымалы көрмесі
💠«Құсбегі ауылы» көрмесі қойылды.
📍Мерекелік шарада Тілеуғабыл Есембекұлын замандастары, облыстық Мәдениет басқармасы, облыстық музей, Шет ауданы әкімі өздерінің ыстық лебіздерін жеткізіп, марапаттады.
✨Шараның соңында Құсбегі Жағыпаров Тұрсын Қанатұлының бүркітті баптаудағы қолданатын құралы - биялайдың (бүркіт қолғап) жасалу технологиясы көрсетіп, қонақтар шеберлік сабақты зор қызығушылықпен тамашалады.